EN BUSCA DO COFRE SEGREDO

Seremos quen de completar todas as probas e conseguir o cofre segredo?

NO PAZO DAS BOLAS

Xogamos cos números. 

A partir dos números un, tres e seis escribimos palabras reais ou inventadas. 

Unha advertencia: aínda que o programa está expresado en galego, deberemos introducir os números en castelán, para que as respostas sexan correctas. 

E DESPOIS DO TRABALLO...

Premio!

Como disfrutaron Lucas e Ángel construíndo as súas gafas en 3 D! As imaxes valen máis que mil palabras!

XOGANDO COS NÚMEROS

A construír palabras. 

Os proxectos de Scratch (Aventuras no País dos números e Aventuras no País dos números - 2) resultaron unha grande motivación para Lucas, que se lanzou con entusiasmo a practicar con eles.

Pero despois de recoñecer a escritura dos números tiñamos que avanzar na comprensión do mecanismo da escritura. É dicir, transferir o recoñecemento dos fonemas a outras palabras.

Así que se me ocurríu traballar coa canción "Tengo una hormiguita en la tripita", na que, en cada estrofa, pronunciamos unha soa vogal (a primeira vez co A, a segunda co E, a terceira co I...).

Tras iso, fixemos un dictado con dous dos números traballados: UNO e TRES, pero cambiando as vogais.

E por último, un traballo sobresaínte: mesturar estas sílabas traballadas para formar palabras novas. 

Parabéns, Lucas!

AVENTURAS NO PAÍS DOS NÚMEROS - 2

Seguimos traballando a numeración con Scratch. 

Nesta ocasión trasladámonos á Era dos Dinosaurios, o que nos sirve para traballar ata o número 13.

Unha advertencia: aínda que o programa está expresado en galego, deberemos introducir os números en castelán, para que as respostas sexan correctas. 

AVENTURAS NO PAÍS DOS NÚMEROS

Traballando a numeración con Scratch. 

Despois das actividades desenvolvidas durante o primeiro trimestre, tentaremos crear unha historia coa que traballar a numeración dun xeito máis lúdico. Scratch resulta unha ferramenta moi útil e atractiva: tanto practicaremos a competencia matemática (lóxica e escritura numéricas) como a comprensión oral e escrita. 

Neste primeiro capítulo, que se desenvolve no fondo do mar, traballaremos os números dende o cero ata o oito (aínda que nos quedarán pendentes para outra ocasión o dous e o sete). 

Unha advertencia: aínda que o programa está expresado en galego, deberemos introducir os números en castelán, para que as respostas sexan correctas. 

O LIBRO DOS NÚMEROS

O resultado dun traballo de semanas. 

Isto que semella tan doado non o é tanto. Durante semanas estivemos a traballar a escritura dos números: relacionando as grafías co texto, aprendendo a escribilos e a lelos. 

Para esta actividade empregamos a app Book Creator. Iso nos ten permitido ser máis competentes no manexo das novas tecnoloxías. Porque, unha vez aprendida a mecánica, o alumno ten sido o propio artífice do traballo.

Neste vídeo podemos comprobar o resultado do traballo.