AVENTURAS NO PAÍS DOS NÚMEROS - 2

Seguimos traballando a numeración con Scratch. 

Nesta ocasión trasladámonos á Era dos Dinosaurios, o que nos sirve para traballar ata o número 13.

Unha advertencia: aínda que o programa está expresado en galego, deberemos introducir os números en castelán, para que as respostas sexan correctas. 

AVENTURAS NO PAÍS DOS NÚMEROS

Traballando a numeración con Scratch. 

Despois das actividades desenvolvidas durante o primeiro trimestre, tentaremos crear unha historia coa que traballar a numeración dun xeito máis lúdico. Scratch resulta unha ferramenta moi útil e atractiva: tanto practicaremos a competencia matemática (lóxica e escritura numéricas) como a comprensión oral e escrita. 

Neste primeiro capítulo, que se desenvolve no fondo do mar, traballaremos os números dende o cero ata o oito (aínda que nos quedarán pendentes para outra ocasión o dous e o sete). 

Unha advertencia: aínda que o programa está expresado en galego, deberemos introducir os números en castelán, para que as respostas sexan correctas. 

O LIBRO DOS NÚMEROS

O resultado dun traballo de semanas. 

Isto que semella tan doado non o é tanto. Durante semanas estivemos a traballar a escritura dos números: relacionando as grafías co texto, aprendendo a escribilos e a lelos. 

Para esta actividade empregamos a app Book Creator. Iso nos ten permitido ser máis competentes no manexo das novas tecnoloxías. Porque, unha vez aprendida a mecánica, o alumno ten sido o propio artífice do traballo.

Neste vídeo podemos comprobar o resultado do traballo. 

APRENDE MOITAS COUSAS SOBRE O CARBALLO

O vídeo.

Nun post anterior relatamos o proceso que nos levou a crear unha sinxela publicación sobre o carballo. E despois de escribir, tocou ler o escrito. 

A app Book Creator permítenos incorporar son e, con todo, crear un vídeo. Pois este que vedes é o resultado final. 

Estamos moi orgullosos!